WordPress Local Server Atanga Live Server-a Upload Dan Pahnihna
WordPress upload dan hi kawng hnih angin kan sawi ang kan ti a, pahnihna tur kan sawi leh dawn a ni. Kan post hmasa kan thlirlet chuan pahnihna chu hetiang hian kan sawi tawh a.
A pahnihna-ah hian domain name i la nei lo a, local server-ah wordpress-in i website tur i siam zo vek tawh a, chumi hnuah domain name leh hosting i lei a, i website siam sa chu i upload duh ta a ni.
Kan mamawh turte
Hengte hi kan mamawh leh dawn a:
- Post hmasa: WordPress Local Server Atanga Live Server-a Upload Dan
- Web Hosting Account (Website i upload dawn hunah i lei a ngai)
- Domain Name (Website i upload dawn hunah i lei a ngai)
- Local Web Server (Wamp, Xammp, etc)
- Text Editor (Notepad++ a tawk viau mai)
Tihdan kawng hnihna
Kan sawi tawh ang hian domain name neih hmain (Domain hming tur i la hrelo) localhost-ah wordpress hmangin website kan siam a. Entirnan, www folder-ah khan mywebsite folder kan siam a, hemi folder-ah hian wordpress kan install a ni. A install dan leh website siam dan chu kan sawi thui vak lo ang. Tichuan a hnuaia link (URL) ang hian kan website siam chu browser-ah kan hmu thei ta a.
http://localhost/mywebsite/
Website kan siam chhung chuan, a chunga link hmang hian kan website chu kan visit thin a ni. Tunah chuan kan website chu kan lo siam zo ta a. Tichuan, a hming turte pawh kan han phuah fel a, hosting account leh domain name chu kan lei thei ta a. Post hmasa lama kan sawi tawh ang khan Godaddy-ah te emaw khan hosting leh domain name chu kan lei thei a ni.
Upload kan tum ang
Hosting account leh domain name kan nei ta a, website kan siam peih vek ta bawk a, kan upload thei ta. A hmasa a mi ang khan tunah chuan kan upload ngawt thei lo a ni. Hei hi a chhan chu kan website siam lai a URL (Website link) kan hman dan khi a ni. Kan website hming tur kha www.websitehming.com a nih a ngai ta si a, kan website siam lai khan http://localhost/mywebsite/ kan hmang miau bawk si a. Kan database ah khan http://localhost/mywebsite/ tih vek hian a lo in store tawh a ni.
Kan upload tan ang
Post hmasa-ah khan tihtur pawimawh indawt pasarih (7) kan sawi tawh a, khangte kha an pawimawh leh vek dawn a ni. Amaherawhchu, tun tumah chuan point pakhat kan belh dawn a, hei hi a danglamna a ni. Post hmasa ang khan point 1 atanga point 5 thleng kha han ti zo phawt la. I zawh hunah database point 2-na a kan export kha kan siam danglam dawn a ni. Hemi siam danglam hi a tulna chhan chu kan sawi tawh ang khan kan website lo siam tawh sa URL kha kan website lei thar URL-ah kan thlak dawn a ni. Hei hi kan siamthat loh chuan kan website siam kha a thawk dik dawn lo a ni.
Database export file siam danglam
Notepad++ kha han click chhuak la, database file i export kha (entirnan, localdb.sql lo ni ta se) hawng rawh le. Menu-ah khan Search tih click la, chuan Replace click leh rawh (Keyboard-ah CTRL+H hmet pawhin a theih tho ang). Window a lo lang ang a, Find what: ah khan http://localhost/mywebsite/ type lut la, hei hi local-a i wordpress install link kha a ni. A siamdan a zirin a link hi a danglam ang a, i thlak mai dawn nia. Tichuan, Replace with: ah hian i website lei thar hming chu i type leh ang, example ah khan www.websitehming.com kan hmang a, hei hi kan type lut ang. Replace All i click ang a, a zawh hunah i file hawn hi i save leh dawn nia. Tikhan kan replace zo ta a, tunah chuan kan database chu import theih a lo ni ta.
A tawpna
Database kan siam danglam tak kha kan import thei ta a. Post hmasa lama mi point 6-na ang khan database chu live database-ah kan import ang. Hemi zawh hian point 7-na ang khan config file kan edit leh anga, tichuan kan tih tur chu kan zo thawkhat ta. Browser hawng la i website hming han type lut la, a chunga kan sawi tak ang khian i ti dik vek a nih chuan i website siam chu a rawn lang tawh dawn a ni.
Note: Tuna kan sawi tak ang hian WordPress website tlangpui chu a upload theih deuh vek a. Amaherawhchu, WordPress theme framework thenkhat leh plugins thenkhat inmillo deuh hman chang a awm ve thei a, hetiangah hian a kan sawi ang khi a dik kim lo ve thei a ni tih kan sawi tel duh a ni. Heng zawng zawng hi ziah vek sen a ni dawn lova, harsatna a awm anih chuan comment hmangte leh email hmangte pawhin kan inzawt zel mai dawn nia.
XAMPP hmangin ka computer ah ka siam ve a, upload chhin ka tum a, a eng folder ber hi nge upload tur ka hre talo tlat mai, XAMPP folder tawp hian nge, htdocs chhung a wordpress folder zawk hi…a eng ber upload tur ??
htdocs chhung a wordpress folder chhung a files/folders kha i upload dawn nia.
A ai a chhiang zawk a i hriat duh chuan min rawn zawt leh dawn nia.
htdocs chhungah chuan wp-admin, wp-content, wp-includes te a awm a, heng ho tur hi tihna mi??
wp-admin
wp-includes
wp-content
wp- filename.php (eg: wp-load.php, wp-login.php)
index.php
xmlrpc.php
.htaccess (a awm lo maithei permalink i set loh chuan)
Heng file zawng2 te hi i upload dawn nia.
min chhang ve ulaaa
Permalink set ???
htdocs chhungah i wordpress root directory ah khan .htaccess file hi a awm loh chuan siam chawp la dah rawh. A file chhungah hian engmah dah a ngai hran lo, a ruak tawpin i siam dawn nia.
He mi zawh hian backend ah login la, Settings>Permalinks ah khan Default ni lo i duh ber permalink kha i enable dawn nia.
Hetianga i tih hian a tlangpuiin a dik nghal ang.
Windows ah chuan .htaccess file khi i command prompt atanga siam a ngai (a filename dot-a a in tan avangin)
Linux-ah i khawih chuan .htaccess file hi write permission is set a ngai bawk ang, windows-ah erawh hei hi a ngai hran lo.
ka siam chhin e….
Kumin chu post chhuak a tlem hle mai. A lunglenthlak reuh.
Pretty component to content. I just stumbled
upon your website and in accession capital to say that I acquire actually loved
account your blog posts. Anyway I will be subscribing on your feeds
and even I achievement you get right of entry to constantly rapidly.